'ඉන්දීය සාගරයේ තවත් සුන්බුන් තොගයක්'
ඡායාරූප මූලාශ්රය, AFP
Published
අතුරුදහන් වූ ගුවන් යානයේ සුන් බුන් විය හැකි බවට සැක කළ හැකි දෑ පෙන්නුම් කෙරෙන චන්ද්රිකා ඡායාරුප ප්රංශයෙන් ලැබී ඇති බව මැලේසියාව පවසයි.
ප්රංශය දැනුම් දී ඇත්තේ මෙම සුන් බුන් ඉන්දීය සාගරයේ දකුණු ප්රදේශයේ පාවෙමින් තිබෙන බවයි.
පසුගිය සතිය ඇතුළත මෙවැනි කොටස් චන්ද්රිකා ඡායාරූප වලට හසු වූ තුන් වැනි අවස්ථාව මෙයයි.
නමුත් MH 370 යානය පිළිබඳව ස්ථිර හෝඩුවාවක් තවමත් ලැබී නැති බවයි මැලේසියානු බලධාරීන් පවසන්නේ.
සබ්මැරීන් යාත්රාවක් ද සහිත ඔස්ට්රේලියානු යුද නෞකාවක් සෝදිසි මෙහෙයුම් සඳහා පිටත් කර ඇති බවද වාර්තා විය.
ක්වාලාලම්පුර් සිට බීජිං නුවර බලා පියාසර කරද්දී MH 370 යානය අතුරුදහන් වූයේ මාර්තු අට වැනිදායි.
