Arsenal abatala agba nke anọ na Europa league

Mgbe e biputara ya

Danny Welbeck gbaara Arsenal akaahịa unyaahụ n'asọmpi ha na AC Milan sọrọ n'ọgbọ egwuruegwu Emirate.

Arsenal gbara AC Milan ọkpụ atọ asatara otu (3 - 1) agbanyeghị na AC Milan bụ ụzọ nye golu.

Welbeck ji penariti saa goolu ahụ ndị AC Milan nyere ma sikwaa ọnwụ tinye ọzọ ka ọ fọrọ nkeji anọ ka e gbuchie bọọlụ.

Akụkọ ndị ga-amasị gị:

Ọ bụ Hakan Calhanoglu satara otu goolu ndị AC Milan nyere ihe dịka nkejị anọ Welbeck nyechara goolu penariti ahụ.

Nke a pụtara na Arsenal abanyela n'agba nke kwọta faịnal n'Europa League.

Nke a bụ nke mbụ kemgbe 2010 ndị Arsenal bụ ebe nwafọ Naịjirịa Alex Iwobi na-agba bọọlụ ruru ọgbọ a.

N'otu aka ahụ, ndi otu nwafọ Naịjirịa bụ Ahmed Musa bụ CSKA Moscow, ji ọkpụ atọ asatara abụọ (2 - 3) merie Lyon.

Musa nyere otu golu n'ime goolu atọ ahụ.

Skip Akachasị Gụọ and continue reading
Akachasị Gụọ

End of Akachasị Gụọ

Nke ahụ pụtakwara na CSKA abanyela agba nke kwọta faịnal.

A ga-amata ndị ha na ibe ha ga agba boolu mgbe e mechara nhọrọ nke taa.