TOOS, Qalibaf: Tanaasul kuma helin wadahadal ee waxaynu ku helnay gantaalo

Tebin toos ah

1. 3 Saacadood ka horMadaxweynaha Mareykanka Donald Trump oo sheegay inuu qabanayo kulan si loo gaaro “go’aanka kama dambaysta ah” ee ku saabsan heshiiska iran

   

   Xigashada Sawirka, Getty Images

   Madaxweynaha Mareykanka Donald Trump ayaa sheegay inuu qabanayo kulan lagu gaarayo “go’aanka kama dambaysta ah” ee ku saabsan heshiis lagu kordhinayo xabbad-joojinta lala galay Iran.

   Wuxuu sheegay in Iran “ay tahay inay oggolaato inaysan waligeed yeelan doonin hub nukliyeer ama bam nukliyeer,” sidoo kalena marin-biyoodka Hormuz dib loogu furo “isu-socodka maraakiibta si xor ah oo aan xannibaad lahayn, labada jiho.”

   Waxa uu sidoo kale sheegay in miinooyinka lagu aasay marin-biyoodka “la burburiyo.”

   “Waxaan hadda ku kulmaynaa Qolka Xaaladaha Degdegga ahsi aan u gaaro go’aanka ugu dambeeya,” ayuu ku qoray bartiisa Truth Social. Iran weli kama aysan hadlin arrintan.

   Tani waxay timid kadib markii saraakiil Mareykan ah ay u sheegeen BBC-da in labada dal ay ku heshiiyeen qaab-dhismeed heshiis — oo ama is af-garad— kaas oo sugaya ansixinta Trump iyo hoggaanka Iran.

   Sida la sheegay, heshiisku wuxuu kordhinayaa xabbad-joojinta muddo 60 maalmood ah, isla markaana wuxuu bilaabayaa wada-hadallo ku saabsan mustaqbalka barnaamijka nukliyeerka ee Iran.

   Qoraalkiisa, Trump wuxuu sheegay inuu diyaar u yahay inuu qaado xayiraadda Mareykanka ee marin-biyoodka Hormuz, isla markaana maraakiibta ku xanniban halkaas “ay bilaabi karaan safarkooda,

   Wuxuu sidoo kale ku adkaystay in Iran ay u oggolaato Mareykanka inuu qaado oo burburiyo uranium-ka la beekhaamiyay ee ay haysato.

   “Wax lacag ah lama kala wareejin doono ilaa amar dambe,” ayuu yiri. “Waxyaabo kale oo muhiimaddoodu aad uga yar tahay ayaa lagu heshiiyey.”

2. 4 Saacadood ka horWar deg deg ah, Jose Mourinho oo la saxiixday heshiis saddex sano ah kooxda Real Madrid

   

   Xigashada Sawirka, Getty Images

   Si rasmi ah looma soo bandhigi doono ilaa marka ay dhacdo doorashada madaxweynaha kooxda Real Madrid, taas oo la filayo inay qabsoonto 7-da Juun.

   Mourinho oo 63 jir ah, ayaa ka tagaya shaqadiisa tababarenimo ee Benfica, halkaas oo uu xilka qabtay bishii Sebtembar kuna hoggaamiyay kooxda inay kaalinta saddexaad ka gasho horyaalka Primiera Liga xilli ciyaareedkan.

   Markii hore ee uu maamulayay Real Madrid intii u dhaxeysay 2010 ilaa 2013, tababaraha reer Portugal wuxuu ku guuleystay La Liga, Copa del Rey iyo Spanish Super Cup.

   Mourinho wuxuu beddeli doonaa Alvaro Arbeloa, kaas oo xilka qabtay bishii Janaayo kadib bixitaankii Xabi Alonso.

   Real Madrid ayaa ku dhammeysatay xilli ciyaareedka 2025–26 iyaga oo aan wax koob ah qaadin, halka kooxda ay xafiiltamaan ee Barcelona ay hanatay horyaalka La Liga kadib guul 2-0 oo ay ku guulaysatay ciyaarta El Clasico.

   Socdaalkii Champions League ee Los Blancos ayaa sidoo kale kusoo dhammaaday markii ay guud ahaan 6-4 kaga adkaadeen kooxda horyaalka Jarmalka ee Bayern Munich wareegga sideed dhammaadka.

   Kadib markii uu ka tagay Real Madrid sanadkii 2013, Mourinho wuxuu dib ugu laabtay Ingiriiska si uu mar labaad u tababaro Chelsea, halkaas oo uu ku guuleystay horyaalkiisii saddexaad ee Premier League iyo EFL Cup xilli ciyaareedkii 2014–15.

   Kadib markii uu ka tagay Chelsea sanadkii 2015, Mourinho wuxuu ku biiray Manchester United heshiis saddex sano ah sanadkii 2016.

   Wuxuu kula guuleystay Europa League, EFL Cup iyo Community Shield xilli ciyaareedkiisii ugu horreeyay ee Old Trafford, balse waxaa shaqada laga eryay Diseembar 2018 kadib natiijo xumo.

   Mourinho sidoo kale wuxuu tababare kasoo noqday Tottenham Hotspur, kooxda Talyaaniga ee Roma oo uu kula guuleystay Europa Conference League sanadkii 2022, iyo kooxda Turkiga ee Fenerbahce, ka hor inta uusan la wareegin Benfica.

3. 6 Saacadood ka horWar deg deg ah, Turkiga oo ka digay dagaal ka qarxa gobolka Badda Madow

   

   Xigashada Sawirka, Reuters

   Dowladda Turkiga ayaa ka digtay khataraha ka dhalan kara dagaal aan la xakamayn karin oo ka qarxa gobolka badda Madow, kadib markii Markab Turki ah ay ku dhacday duqaynta diyaarad aan duuliye lahayn.

   Wasiirka Arrimaha Dibadda Turkiga ma sheegin dalka masuulka ka ahaa weerarkaasi.

   Labadaba Ruushka iyo Ukraine waxaa ay beegsadeen maraakiib gooshaya Badda Madow intii lagu guda jiray dagaalka dhex maray labada dhinac.

   SII AKHRI WARBIXINO KALE

   Jeebka maku qaadan lahayd lacag uu ku sawiran yahay wajiga Trump?

   Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

   Haween Soomaaali ah oo lagu soo eedeeyey khiyaano lacageed oo gaareysa $21 Milyan

4. 6 Saacadood ka horQaramada Midoobay: Israa'iil iyo Ruushka oo ka mid ah dalalka galay dambiyada dagaalka - UN

   

   Xigashada Sawirka, Getty Images

   Qaramada Midoobay ayaa Israa’iil iyo Ruushka ku dartay liiska dalalka lagu eedeeyay inay geystaan xadgudubyo galmo oo la xiriira dagaallada.

   Warbixin sannadle ah oo uu soo saaray Xoghayaha Guud ee Qaramada Midoobey, Antonio Guterres, sanadkii 2025, ayaa lagu xaqiijiyay in saraakiil ka tirsan ciidamada Israa’iil, booliis ama ciidamada asluubta ee xabsiyada ay geysteen noocyo kala duwan oo xadgudubyo ah oo ka dhan ah 31 qof oo ka kala yimid Gaza iyo Daanta Galbeed ee la haysto iyo deegaanka Webiga Urdun, kuwaas oo ay ku jireen carruur.

   Warbixinta ayaa sheegtay in mararka qaar dhowr askari ay isku urursan jireen oo ay si wadajir ah kufsi ugu geysan jireen dad rayid ah, sidoo kale waxaa la sheegay in hal nin si ula kac ah xabbad looga dhuftay laabta.

   Israa’iil, oo lagu daray liiska iyadoo ay weheliso Hamas, ayaa muujisay caro ku aaddan tallaabadan waxayna beenisay eedeymahaas.

   Horaantii, safiirka Israa’iil ee Qaramada Midoobay ayaa sheegay in dalkiisu uu joojin doono dhammaan xiriirka uu la leeyahay xoghayaha guud ee Qaramada Midoobay.

   Dhanka Ruushka, warbixintu waxay sheegtay in ciidamadiisu ay geysteen boqolaal xadgudub oo ka dhan ah xuquuqda aadanaha gudaha Ukraine, kuwaas oo ay ku jiraan kufsi iyo isticmaalka koronto lagu jirdilo dadka.

   Moscow weli kama aysan hadlin warbixinta.

5. 7 Saacadood ka horQalibaf: Tanaasul kuma helin wadahadal ee waxaynu ku helnay gantaalo

   

   Xigashada Sawirka, Tasnim News Agency via Reuters

   Guddoomiyaha Baarlamanka Iiraan iyo madaxa wada-xaajoodka jamhuuriyada Iiran Mohammad Baqer Qalibaf ayaa farriin uu ku daabacay barta X ku yiri: ‘’Wax tanaasul ah kuma aynaan helin wadahadal, laakiin waxaynu ku helnay wadada gantaalada, wadahadalka waynu ku sharaxnaa oo kali ah’’

   Wuxuu ka hadlay arrinta kalsoonida ee u dhexeysa labada dhinac ee wada-xaajoodka socda ee Mareykanka, isaga oo yiri: “Ma aaminsanin dammaanado iyo hadallo; hab-dhaqanka keli ah ayaa lagu qiimeeynayaa. Wax tallaabo ah lama qaadayo ka hor inta dhinaca kale uusan tallaabo qaadin.”

   Qalibaf ayaa sii raaciyay fariintiisa isaga oo leh: “Guuleystaha heshiis kasta waa kan si fiican ugu diyaarsan dagaal maalinta xigta.”

   Maxamed Baqer Qalibaf ayaa Isniintii tagay Qatar.

   Ujeeddada safarkaasi waxay ahayd wada-xaajood ku saabsan qaar ka mid ah hantida Iran ee la xayiray sababo la xiriira cunaqabateynta Mareykanka.

   SII AKHRI WARBIXINO KALE

   Jeebka maku qaadan lahayd lacag uu ku sawiran yahay wajiga Trump?

   Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

   Haween Soomaaali ah oo lagu soo eedeeyey khiyaano lacageed oo gaareysa $21 Milyan

6. 8 Saacadood ka horWar deg deg ah, Iiraan oo cambaaraysay weerarada Israa’iil

   

   Xigashada Sawirka, .

   Afhayeenka Wasaaradda Arrimaha Dibadda Iiraan Esmail Baghai ayaa cambaareeyay weerarada Israa’iil ay ku qaaday dhowr aag oo ku yaala Lubnaan, oo ay ku jirto Beirut, caasimada dalkaasi.

   Baghaei ayaa sheegay in ‘’aamuska iyo danayn la’aanta dowladaha caalamka’’ ay ku sababi doonto Israa’iil inay ‘’sii kordhiso’’

   Afhayeenka Wasaaradda Arrimaha Dibadda ayaa sidoo kale ku qeexay Maraykanka ‘’mid caawinaya oo bahwadaag kala dambiyada ay Israa’iil ka gaysanayso, Lubnaan, dhulka Falastiiniyiinta iyo guud ahaan gobolka.

   Dad aad u badan ayaa lagu dilay gudaha Lubnaan iyada oo milatariga Israa’iil weerarada ay qaadayaan ay kordhiyeen maalmihii u dambeeyay.

   Israa’iil ayaa sheegtay in bartilmaameedka weeraradan uu yahay Xizbullaahiga Lubnaan.

   Ciidamada Israa’iil ayaa sidoo kale weydiistay dadka deegaanka in sideedii meelood meel oo Lubnaan ah ay isaga tagaan guryahooda iyaga oo u jihaysanaya Waqooyiga.

   SII AKHRI WARBIXINO KALE

   Jeebka maku qaadan lahayd lacag uu ku sawiran yahay wajiga Trump?

   Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

   Haween Soomaaali ah oo lagu soo eedeeyey khiyaano lacageed oo gaareysa $21 Milyan

7. 8 Saacadood ka horWar deg deg ah, Putin ‘’Waa ogyahay’ shilka drone ee Romania, ayuu yiri afhayeenka Kremlin

   

   Xigashada Sawirka, Reuters

   Madaxweynaha Ruushka Vladimir Putin ayaa la sheegay inuu ka ‘’war qabo’’ shilka diyaarada aan duuliyaha lahayn ee drone-ka, warbaahinta dowladda Ruushka ayaa sheegtay inuu sidaasi yiri afhayeenka madaxweynaha Dmitry Peskov.

   TASS ayaa sidoo kale ku warantay Wasiirka Arrimaha Dibadda Ruushka uu ‘’jawaab dhakhso ah’’ ka bixin doono go’aanka Romania ay ka qaadatay qunsuliyadooda iyaga oo ka jawaabaya burburka.

   SII AKHRI WARBIXINO KALE

   Jeebka maku qaadan lahayd lacag uu ku sawiran yahay wajiga Trump?

   Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

   Haween Soomaaali ah oo lagu soo eedeeyey khiyaano lacageed oo gaareysa $21 Milyan

8. 8 Saacadood ka horWasaaradda Arrimaha Dibadda ee Iran: Aamusnaanta hay’adaha caalamiga ah waxay sii dhiirrigelinaysaa Israa’iil.

   Afhayeenka Wasaaradda Arrimaha Dibadda ee Iran, Esmail Baghai, ayaa cambaareeyay kordhinta weerarrada ay Israa’iil ku qaaday meelo kala duwan oo ka tirsan Lubnaan, oo ay ku jirto caasimadda dalka ee Beirut.

   Mr. Baghai ayaa sheegay in “aamusnaanta iyo inaysan dan ka lahayn hay’adaha caalamiga ah” ay sabab u noqon doonto in Israa’iil ay “sii kordhiso gardarradeeda.”

   Afhayeenka Wasaaradda Arrimaha Dibadda ee Iran ayaa sidoo kale ku tilmaamay Maraykanka “mid gacan saar iyo lammaane kula ah dhammaan dambiyada Israa’iil” ee ka socda Lubnaan, dhulka Falastiiniyiinta, iyo guud ahaan gobolka.

   Tobannaan qof ayaa lagu dilay Lubnaan iyadoo weerarrada milatari ee Israa’iil ay sii xoogeysteen maalmahan dambe.

   Israa’iil ayaa sheegtay in bartilmaameedka weerarradan uu yahay ururka Hezbollah ee Lubnaan.

   Ciidanka Israa’iil ayaa sidoo kale dadka deggan ku dhowaad siddeed meelood meel dhulka Lubnaan ka codsaday inay ka baxaan guryahooda una guuraan dhanka waqooyi.

9. 9 Saacadood ka horFiisaha $1 milyan ee kuu saamaxaya deganaansho iyo in aad hesho dhalashada Maraykanka

   

   Xigashada Sawirka, @realDonaldTrump/Truth Socia

   Madaxweynaha Maraykanka Donald Trump ayaa bilaabay qorshaha kaarka dahabiga ah ee bixinta fiisooyinka deganaanshaha Maraykanka sida degdega ah loo helayo, kuwaas oo loogu talagalay ajaanibka dadka hodonka ah ee awoodda inay bixiyaan ugu yaraan $1 milyan oo u dhiganta (£750,000).

   Kaarka ayaa siin doona iibsadayaasha ''waddo toos ah oo ay ku helayaan dhalashada Maraykanka, gaar ahaan dhammaan dadka u qalma ee la baaray. ''Waa wax lagu farxo! Shirkadaha weyn ee Maraykanku ugu dambayn waxa ay sii haysan doonaan kartidooda aan la beddeli karin,'' ayuu ka yiri Trumo baraha bulshada Arbacadii.

   Kaarka dahabka Trump oo markii u horaysay la shaaciyay horraantii sanadkan ayaa ah dalkugal Maraykan ah oo la siinayo kuwa muujin kara inay iibsan karaan ayna ''faa'iido weyn'' u tahay dalka, sida laga soo xigtay bogga rasmiga ah ee qorshahan

   Sii Akhri

   SII AKHRI WARBIXINO KALE

   Jeebka maku qaadan lahayd lacag uu ku sawiran yahay wajiga Trump?

   Muxuu yahay heshiiska Abraham, oo saxiixiisa Trump uu u arko inuu shuruud u yahay heshiis lala galo Iran?

   Haween Soomaaali ah oo lagu soo eedeeyey khiyaano lacageed oo gaareysa $21 Milyan

10. 9 Saacadood ka horBaraha Bulshada: Saddex qaab oo lacag looga sameeyo TikTok

    

    Xigashada Sawirka, Getty Images

    Kaamiradu waxay ahaan jirtay mid ay ku soo caan-baxaan xiddigaha caanka ah ee filimada iyo wariyeyaasha telefishinnada, kuwaas oo heystay fursad khaas u ah oo ay qaabkaas lacag ugu sameeyaan, balse Baraha Bulshada oo uu hoggaamiyo TikTok ayaa waxba kama jiraan kasoo qaaday arrintaas.

    Lifaaqa hoose ku dhufo si aad faahfaahinta u akhriso

    Baraha Bulshada: Saddex qaab oo lacag looga sameeyo TikTok

11. 9 Saacadood ka horIskuulkii dabku ka kacay ee Kenya oo ardaydiisii qaar la xiray

    

    Waaxda Dembi-baarista ee Kenya ayaa bilowday baaritaan faahfaahsan oo ku saabsan musiibadii dabka ee ka dhacday Dugsiga Sare ee Gabdhaha Utumishi ee degmada Gilgil, gobolka Nakuru.

    Koox baaritaan oo isku dhafan ayaa la sameeyay si ay u baaraan dhacdada dabka ka kacay hoyga ardayda, iyo sidoo kale in la sameeyo baaritaanno hidde-side (DNA) ah si loo aqoonsado meydadka 16 arday oo ku geeriyooday musiibada.

    Booliska ayaa wareystay arday, macallimiin iyo shaqaalaha dugsiga, sidoo kalena baaray kamaradaha CCTV-ga.

    Sideed arday ayaa loo qabtay tuhmaneyaal ku lug leh dhacdada, waxaana hadda lagu hayaa xabsiga saldhigga booliiska.

12. 29 Maajo 2026Rutte- "Dhaqanka taxaddar la'aanta ah ee Ruushka waa khatar halis nagu wada ah"

    

    Xigashada Sawirka, EPA/Shutterstock

    Xoghayaha Guud ee isbahaysiga NATO Mark Rutte ayaa cambaareeyay wax uu ku sheegay "dhaqanka taxaddar la'aanta ah ee Ruushka", isagoo ku tilmaamay "khatar innaga wada dhan ah".

    Rutte ayaa sheegay inuu Madaxweynaha Romania Nicușor Dan u xaqiijiyay in NATO "ay diyaar u tahay inay difaacdo halkii taako ee kamid ah dhulka Romania."

    Wuxuu sidoo kale ku qoray bartiisa X in Ruushku uu sii wado "beegsiga shacabka iyo kaabeyaasha rayidka ee Ukraine," isla markaana "dhacdadii xalay ay mar kale muujisay in saameynta dagaalka gardarrada ah ee sharci-darrada ah aysan ku ekaan xadka".

    Rutte ayaa sheegay in NATO ay sii xoojin doonto ilaalinteeda isla markaana ay sii wadi doonto taageerada Ukraine ee ka dhanka ah gardarrada Ruushka.

    Sii akhri sheekooyin kale:

    Haween Soomaaali ah oo lagu soo eedeeyey khiyaano lacageed oo gaareysa $21 Milyan

    Sidee u joojin karnaa cunista xad-dhaafka ah?

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

13. 29 Maajo 2026Madaxa Midowga Yurub "Dagaalka gardarrada ah ee Ruushka wuxuu ka gudbay xariiq kale oo halis ah".

    

    Xigashada Sawirka, Getty Images

    Madaxweynaha Midowga Yurub ayaa sheegtay in "dagaalka gardarrada ah ee Ruushka inuu ka gudbay xad kale oo halis ah," iyadoo carrabka ku dhifatay in Midowga Yurub si buuxda uu u garab taagan yahay Romania iyo shacabkaheeda."

    Ursula von der Leyen ayaa sheegtay in dhacdadani ay ka dhacday goob dad badan joogeyn oo ku taalla Romania, taas oo ay waxyeello kasoo gaartay dad shacab ah.

    waxa ayna barteeda X ku qortay in loo baahan yahay in Ruushka cadaadis dheeraad ah la saaro, lana kordhiyo cunaqabataynta hadda saaran "Waxaan diyaarinaynaa xirmadii 21-aad ee cunaqabateynta."

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

    Haween Soomaaali ah oo lagu soo eedeeyey khiyaano lacageed oo gaareysa $21 Milyan

14. 29 Maajo 2026Benjamin Netanyahu oo ciidamada Israa'iil amray in ay la wareegaan gacanta ku haynta Gaza 70%

    

    Xigashada Sawirka, Getty Images

    Ra'iisul Wasaaraha Israa'iil Benjamin Netanyahu ayaa sheegay inuu faray Ciidamada Difaaca Israa'iil inay kordhiyaan xakamaynta Gaza ilaa 70%.

    Isagoo ka hadlayay shir Khamiistii dhacay, wuxuu yiri: "Hadda waxaan u cadaadinaynaa Xamaas, inaan maamulno oo ay gacanteenna ku jirto 60% dhulka Gaza, waad ogtahay sida ay u weyntahay, markii hore waxaan gacanteenna ku jiray 50%, waxaa soo gaarnay oo isku ballaarinay illaa 60%, hadda amarkaygu waa inaan kordhino" ayuu yiri Netanyahu.

    Hadallka Benjamin ayaa imaanaya iyada oo Israa'iil ay weli Gaza ka waddo duqeymaha xilli uu jiro heshiiska xabbad joojinta ee hore loo gaaray.

    Ugu yaraan 738 falastiiniyiin ah ayaa ku dhintay duqeymaha Israa'iil tan markii la gaaray heshiiska, sida ay sheegeyso wasaaradda caafimaadk Xamaas.

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

15. 29 Maajo 2026Maxkamadda sare Kenya oo amar kasoo saartay in la furo xarunta Ebola lagula tacaalayo

    

    Xigashada Sawirka, SNS

    Maxkamadda Sare ee Nairobi ayaa soo saartay amarro si ku-meelgaar ah u joojinaya in Kenya laga dhiso xarunta lagula tacalaayo dadka Eba uu kusoo dhaco, taas oo ay dowladda Maraykanka ay sheegtay in laga shaqeenayo maanta.

    Xukun la soo saaray 28-kii May, Garsoore Patricia Nyaundi ayaa kiiska ku tilmaamtay mid degdeg ah, waxayna bixisay amarro joojin ah oo hakinaya dhammaan qorshayaasha lagu dhisayo ama lagu hawlgelinayo xaruntaas illaa la helo xog faahfaahsan oo ku saabsan xarunta.

    Maxkamaddu waxay si gaar ah u mamnuucday hay'adaha dowladda iyo saraakiisha inay "dhisaan, hawlgelinayaan, fududeeyaan, ansixiyaan ama oggolaadaan" xarun kasta oo karantiil, taas lagu soo daabuli doono dadka Ameerikaanka ah ee uu rito cudurka Ebola ah guud ahaan qaaradda.

    Garsooraha ayaa sidoo kale mamnuucay in mas'uuliyiintu ay Kenya keenaan, ama fududeeyaan soo gelitaanka dalka qof kasta oo la sheegay inuu Ebola qabo.

    Amarradan ayaa imanaya xilli Kenya ay ka jirto caro dadweyne oo sii kordhaysa kadib warar ku saabsan xarun bio-isolation ah oo Mareykan maamulo oo loogu talagalay muwaadiniin Mareykan ah oo laga yaabo inay Ebola la kulmeen ama ku dhaceen gobolka.

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

16. 29 Maajo 2026War deg deg ah, Dhakhaatiirta Kenya oo ka soo horjeestay qorshaha lagu furayo xarunta karantiilka Ebola ee Kenya

    

    Xigashada Sawirka, AFP

    Xoghayaha Guud ee Ururka Dhakhaatiirta, Farmashiistayaasha iyo Ilkaha Kenya (KMPDU), Davji Bhimji Atellah, ayaa su'aal ka keenay sababta Kenya loogu doortay inay martigeliso xarun karantiil iyo daaweyn Ebola ah oo la sheegay inay ku taallo Saldhigga Ciidanka Cirka ee Laikipia.

    War-saxaafadeed uu soo saaray 28-kii May, Atellah ayaa muujiyay caro xooggan oo ku saabsan qorshaha, isagoo ku eedeeyay dowladda inay mudnaanta siineyso danaha shisheeye halkii ay ka ilaalin lahayd badqabka muwaadiniinta Kenya.

    "Annaga oo ah ilaalayaasha ugu waaweyn ee nidaamka caafimaadka Kenya, aad ayaan uga walaacsannahay sida ay dowladda ugu muuqato inay halis gelinayso badqabka caafimaadka dalka iyo nolosha muwaadiniinta si loo helo gargaar shisheeye," ayuu yiri ururka.

    KMPDU ayaa hadda ugu baaqaysa Wasiirka Caafimaadka, Aden Duale, iyo Wasaaradda Arrimaha Dibadda inay sharaxaan sababta Kenya loo doortay halkii laga dooran lahaa dalal u dhow halka uu ka jiro faafitaanka Ebola.

    "Ma fadhiisan doonno anagoo daawanayna Kenya oo loo rogo goob lagu xakameeyo cudur halis ah oo aynaan annagu keenin," ayuu raaciyay.

    Atellah ayaa sheegay in faafitaannadii hore Mareykanku uu muwaadiniintiisa dib ugu celin jiray dalkooda si loo daweeyo, halkii lagu wareejin lahaa dalal kale.

    KMPDU ayaa sidoo kale ku baaqday in heshiis kasta oo iskaashi ah oo u dhexeeya Kenya iyo Mareykanka ee la xiriira barnaamijkan si degdeg ah loo shaaciyo.

    Hadalladiisa ayaa imanaya xilli dood xooggan ay ka socoto Kenya kadib markii ay soo baxayn warar sheegaya in Maraykanka uu doonayo in uu Kenya usoo daabuli doono dadka u dhashay dalkaas ee uu cudurka ku dhaco.

    Wasaaradda Caafimaadka ayaa carrabka ku adkeysay in tallaabooyinka Kenya ay sii hagi doonaan saynis, qaab-dhismeed sharci iyo nidaamyo caafimaad oo adag, iyadoo isku dayaysa in ay dheellitirto iskaashiga caalamiga ah iyo badbaadada muwaadiniinta gudaha.

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

17. 29 Maajo 2026Muwaadin Mareykan ah oo loo xukumay inuu ka dambeeyey shirqool dil oo Iiraan ay ka dambeysay

    

    Nin hore u ahaa darawal gaari xamuul ah ayaa lagu xukumay 10 sano oo xabsi ah kadib markii uu ka qayb qaatay shirqool lagu doonayay in lagu dilo dhaqdhaqaaqe Iranian-American ah oo ay dowladda Iran bartilmaameedsanaysay, sida ay sheegeen masuuliyiinta.

    Jonathan Loadholt, oo 37 jir ah, ayaa qirtay dambiyo la xiriira qorsheyn dabagal sharci-darro ah iyo lacag dhaqid oo ka mid ah shirqoolka lagu beegsanayay Masih Alinejad oo ku sugan gurigeeda Brooklyn sanadkii 2024, sida ay sheegtay Wasaaradda Arrimaha Dibadda ee Mareykanka.

    FBI-da ayaa fashilisay shirqoolka ka hor inta aan weerarku dhicin. Alinejad, oo si weyn u dhaleeceysa nidaamka Iran, ayaa BBC-da u sheegtay inay uga mahadcelinayso hay'adaha ammaanka, balse aysan dareemayn nafis.

    Si kastaba ha ahaatee, Alinejad waxay sheegtay inaysan aamusi doonin. "Codkaygu wuu ka xoog badan yahay hubkooda [nidaamka Iran]."

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

18. 29 Maajo 2026UK oo AI u adeegsan doonta hubinta da'da muhaajiriinta sharci doonka ah

    

    Xigashada Sawirka, PA Media

    Dowladda Ingiriiska ayaa bilaabeysa in ay isticmaasho qalab aqoonsan kara da'da qofka, haddii uu been ka sheego magangalyo doonka ah ee dalkaas gaara.

    Shirkad samaysa software ayaa la siiyay qandaraas ay ku horumariso soona tijaabiso teknoolojiyadan, taas oo qiyaasi doonta da'da qofka iyadoo falanqaynaysa sawirrada laga qaado marka uu yimaado xadka.

    Wasaaradda Arrimaha Gudaha ee UK ayaa sheegtay in teknoolojiyadani ay fududeyn doonto in la aqoonsado dadka waaweyn ee muhaajiriinta ah ee "isku dayaya inay nidaamka khiyaaneeyaan," kadib markii tijaabooyinkii hore ay muujiyeen "rajo ah in ay fududaan karto in la fahmo qofka ka been sheega da'da uu jiro".

    Balse hay'dda u doodda xuquuqda aadanaha ayaa ku baaqday in dowladda ay joojiso qorshahan, iyadoo ku tilmaantay "teknoolojiyad aan wali la xaqiijin" oo dhaawici doonta ilaalinta xaqa carruurta nugul xaqa leeyihiin.

    Muhaajiriinta carruurta ah ee aysan la socon waalidkooda ayaa lagu daraa nidaamka daryeelka carruurta halkii laga marin lahaa nidaamka magangelyo-doonka, taas oo u sahlaysa inay dalka sii joogaan.

    Go'aanka lagu adeegsanayo software-kan ayaa yimid kadib sanado ay sare u kaceen dadka doomaha yaryar kaga soo gudba kanaalka English Channel kuna dalbada magangelyo marka ay yimaadaan xadka.

    Sii akhri Sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

19. 29 Maajo 2026Drone Ruushka laga leeyahay oo ku dhacday dhisme ku yaalla Romania

    

    Xigashada Sawirka, Reuters

    Mid kamid ah diyaaradaha aan duuliyaha lahayn oo laga leeyahay dalka Ruushka ayaa ku dul dhacday guryo dabaq ah oo ku yaallay Romania, sida ay sheegtay wasaaradda difaaca dalkaasi subaxnimadii saaka, taas oo sababtay dab, isla markaana ay dhaawacmayn laba qof.

    Drone-ka ayaa ku dhacay magaalada bari ee Galati xilli Ruushku uu weerarro ka waday gudaha Ukraine meel u dhow xadka, sida lagu sheegay bayaan ay wasaaraddu soo saartay.

    Hay'adda Guud ee Gurmadka Degdegga ah ee Romania ayaa sheegtay in dhammaan walxihii qaraxa ahaa ee drone-ka saarnaa ay wada qarxeen, taas oo dab ka dhalisay dabaqa 10-aad ee dhismaha, kaas oo ahaa mid la deganaa.

    Drones-ka Ruushka ayaa dhowr jeer uga tallaabay xadka dalka Romania oo xubin ka ah NATO muddadii afarta sano ahayd ee dagaalka Ukraine socday, balse tani waa markii ugu horreysay ee muwaadiniin Romanian ah ay waxyeello kasoo gaarto. Ruushka ayaan weli ka hadlin arrintaan.

    Laba diyaaradood oo dagaal nooca F-16 ah ayaa la hawlgeliyay kadib markii drones-ka lagu arkay hawada Romania, sida ay sheegtay wasaaradda difaaca.

    Kooxda maamusha hawada dalkaasi ayaa sheegtay in ay drone-ku kula socdayn raadaarka, "Mid ka mid ah drones-kan ayaa galay hawada Romania, waxaana raadaarku la socday ilaa qaybta koonfureed ee magaalada Galati, kadibna wuxuu ku dhacay saqafka dhisme dabaqyo ah, iyadoo saameynta dhicitaanku ay sababtay dab," ayay wasaaraddu tiri.

    Dhacdo bishii Abriil dhacday, drone kale oo Ruush ah ayaa khasaare hantiyeed ka geystay Galati, balse cidna kuma dhaawacmin.

    Sii akhri sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Muxuu Trump ugu hanjabay in uu burburin doono dalka uu 'Isbahaysiga la ah Maraykanka ee' Cumaan?

    Madaxweyne Trump oo ku hanjabay inuu dib u bilaabi doono duqeymo ballaaran haddii Iraan aysan aqbalin shuruudihiisa

20. 29 Maajo 2026Xarunta karantiilka Ebola oo Maraykanka ka furayey Kenya oo lagu wado in ay shaqo bilowdo

    

    Xigashada Sawirka, Anadolu via Getty Images

    Xarun karantiil oo Ebola ah oo leh 50 sariirood, isla markaana ay maamulayaan saraakiil, dhakhaatiir iyo shaqaale caafimaad oo Mareykan ah oo ku sugan Kenya ayaa la qorsheeyay inay maanta bilowdo shaqadeeda, sida uu sheegay sarkaal ka tirsan maamulka Trump.

    Bayaan lala wadaagay BBC-da, Mareykanka ayaa sheegay in xaruntaan loogu talo galay in lagu daweeyo dadka maraykan u dhashay haddii xanuun uu so rito, xitaa haddii ay joogo meel ka baxsan Kenya waxa lagu soo qaadi doonaa diyaarado.

    Sababta Kenya loo doortay ayaa lagu sheegay in ay tahay waddan garoomadiisu meel la gaari karo ku yaallaan.

    Intaa waxaa dheer, saraakiil Mareykan ah oo ka tirsan adeegyada caafimaadka dowladda kuwaas oo hore uga soo shaqeeyay cudurradii Ebola ayaa la filayaa inay Jimcaha yimaadaan Kenya.

    Goobta saxda ah ee xarunta bio-isolation-ka ayaan wali la shaacin, balse ujeeddadeedu waxay noqon doontaa xakameynta faafitaanka Ebola iyo bixinta daryeel caafimaad oo heer sare ah oo loogu talagalay muwaadiniinta Mareykanka ay ee sugan qaaradda Afrika

    Bayaanka ayaa sidoo kale lagu sheegay in ilaa hadda aysan jirin cid uu soo ritay cudur oo la geyn doono xarunta.

    Mareykanka ayaa sidoo kale ballanqaaday $13.5 milyan oo lagu taageerayo dadaallada Kenya ee u diyaar garowga Ebola, wuxuuna horey u ballanqaaday inuu bixiyo $112 milyan oo gargaar laba geesood ah oo lagu taageerayo jawaabta gobolka.

    Tani waxaa la shaaciyay kadib wadahadal telefoon oo dhex maray Madaxweynaha Kenya William Ruto iyo Xoghayaha Arrimaha Dibadda Mareykanka Marco Rubio, halkaas oo ay sidoo kale kaga hadleen dadaallo wadajir ah oo lagu sugayo sahayda caafimaad ee muhiimka u ah Kenya iyo sidii loo xoojin lahaa diyaargarowga iyo awoodda nidaamka caafimaadka Kenya.

    Sii akhri sheekooyin kale:

    Xisbulaah oo qorshe cusub oo la yaableh kusoo kordhisay dagaalka ay kula jirto Israel

    Muxuu Trump ugu hanjabay in uu burburin doono dalka uu 'Isbahaysiga la ah Maraykanka ee' Cumaan?

    Madaxweyne Trump oo ku hanjabay inuu dib u bilaabi doono duqeymo ballaaran haddii Iraan aysan aqbalin shuruudihiisa