Àrdachadh peinnsean do sheana-phàrantan, Lear am Baile Chloichridh, agus 's e Alasdair MacEachainn cèiliche na seachdain.

Available for 30 days

Cha bheag na h-uallaichean a th' air seana-phàrantan tro na làithean-saora. Ach chan eil fhios aig a h-uile duine gu bheil buaidh aig cùram-oghaichean air cuid a chreideasan peinnsein. Tha an t-eòlaiche ionmhais Dòmhnall Màrtainn ga mhìneachadh dha Cathy NicDhòmhnaill. Cluinnidh sinn cuideachd mu bheachd Wilma NicUalraig air Lear, taisbeanadh den dealbh-chluich King Lear aig Uilleam Shakespeare a tha ri fhaicinn air an àrd-ùrlar ann am Baile Chloichridh sna seachdainean ri teachd. Agus bidh mòran den luchd-èisteachd eòlach air guth is obair Alasdair MhicEachainn, cèiliche na seachdain sa. 'S iomadh rud ris a bheil Alasdair air cur thar nam bliadhna; is e air leth eòlach air eileanan na Gàidhealtachd agus eileanan nas fhaide thall, bho Tristan de Cunha gu Hiort. Ach dè tha ga bhrosnachadh gu bhith ri obair rannsachaidh is cuairtean siubhail fad is farsaing? Sin dìreach blasad de na seòrsa ceistean a th' aig Cathy NicDhòmhnaill dha Alasdair air Naoi gu Deich an-diugh.