le Cathy NicDhòmhnaill

Available for 27 days

Chaidh boma bhon Dàrna Cogadh a sprèidheadh ann am Plymouth Dihaoine sa chaidh. Ach carson a bhios cuid a dh'urchairean cogaidh a' maireachdainn cho fada gun sprèidheadh - is carson a bhios iad cho cunnartach a dh'aindeoin sin, nuair a thèid an lorg? Abair ceist bho Cathy don t-eòlaiche saidheans, Iain MacAonghais! 'S iomadh turas a bha Aonghas Mac a' Mhaoilein air an àrd ùrlar mar phàirt den chòmhlan Na Lochies, agus 's iomadh turas cuideachd a chuir e peann gu pàipear mar sgrìobhadair is mar bhàrd. Ach ann an leabhar ùr ga fhoillseachadh leis, Between The Echoes, tha e a' bruidhinn air a thogail air na Lochan an Leòdhas, croitearachd, fèin-aithne, saic-eòlas agus cianalas. Dè thug air a sgrìobhadh, is dè mar a tha e a' faireachdainn a-nise mu na cuspairean domhainn air a bheil e a' togail? 'S iad sin cuid dha na ceistean a th' aig Cathy is e na cuideachd a' bruidhinn air. Agus tha Catriona NicLeòid, a bhuineas do Nis ann an Leòdhas bho thùs, air a bhith a' fuireach an Glaschu bho bha i na deugaire. Bha i 90 na bu thraìthe am-bliadhna - is i cuideachd air a bhith air Byres Road san aon flat ‘s a robh i bho thùs, air an ùrlar as àirde dhen togalach. ‘S iomadh atharrachadh a chunnaic i air Byres Road thar nam bliadhna - agus cluinnidh sinn beagan den chòmhradh bho nuair a chaidh Mairianna NicChoinnich a-mach a chèilidh oirre.