BBC News, پښتو - کور پاڼه

له اوږده ځنډ وروسته د کامدېش او برګمټال ولسوالیو ته د مرستو استول پیل شول

د نورستان د کامدیش او برګمټال ولسوالیو د لارو له خلاصیدو وروسته په لومړي ځل له ۱۳۰ زرو ډېر کسانو ته د مرستو د رسولو بهیر پيل شوی. دا مرستې د سره صلیب نړۍ والې کمیټې، د خوړو نړۍ وال پروګرام او د افغانستان د سرې میاشتې له خوا رسول کېږي.

د تېلو د بیلو لوړېدو له کبله په بریتانيا کې یې غلا زیاته شوې ده

د بي بي سي لپاره راټولې شوې شمېرې ښيي چې په بریتانيا کې د تېلو غلا د تېر کال پرتله ۶۲ سلنه زياته شوې ده. د تېلو د پمپ يو څښتن وايي، د هغو موټر چلونکو چې د پيسو له ورکولو پرته د ده د تېلو له پنځو پمپونو ځي هره اوونۍ دوه زره پونډه چې شاوخوا ۲۷۰۰ امریکايي ډالر کېږي زيان اړوي.

د طالبانو حکومت یو پلاوی اروپايي ټولنې سره د خبرو لپاره بروکسل ته ځي

د طالبانو حکومت د یوه"تخنیکي" پلاوي د سفر په اړه د اروپايي ټولنې سرچینو د فرانسې خبري اژانس ته منلې چې د غړو هېوادونو استازي به ورسره ناستې او خبرې ولري. د طالبانو حکومت د بهرنیو چارو وزارت یوې سرچینې بي بي سي ته ویلي، تر اوسه د دغه پلاوي د جوړښت په اړه پرېکړه نه ده وروستۍ شوې.

ایا د چټ‌جي‌پي‌ټي په روغتیايي مشورو باورکولی شو؟

ابي له تېر یو کال راهیسې د خپلې روغتیا د سمبالولو لپاره له چټ‌جي‌پي‌ټي یا د مصنوعي ځیرکتیا تر ټولو داسې پېژندل شوې بڼې کار اخلي چې له خلکو سره د پیغامونو له لارې خبرې کوي. دې ته چټ‌باټ هم ویل کېږي.

د استاد فریده مهوش د هنري اثارو ډیجیټلي کېدل: "اندېښمنه وم چې کډوالۍ کې به رانه ورک شي"

د افغانستان د موسیقۍ یوازینۍ (استادې) فریده مهوش هنري آثار د امریکا په یوه معتبر پوهنتون (سټنفورډ) کې، په ډیجیټلي بڼه خوندي شول. ګلالۍ فریده چې وروسته بیا د فریده مهوش په نامه وپېژندل شوه، نړۍ کې د "افغانستان غږ" بلل کېږي او یوه له محبوبو او مشهورو ښځینه سندغاړو ده.

درس