còmhla ris an Urr Siùsaidh NicDhonnchaidh

Anns an t-seirbheis an-diugh cluinnidh sibh na laoidhean agus leughaidhean a leanas:
Alleluia Cliù do dh'Iosa agus a' seinnn the Ceòlraidh Ghàidhlig Ghlaschu.
Salm 130 agus a' seinn tha Màiri Anna NicUalraig, Eilidh NicCarmaig agus Iain Iosaph MacNèill.
Thighearna Thàinig Thu Chun na Linne air a sheinn le Seumas Greumach.
Kirsteen Menzies, Anna Nic na Cèardaich agus Pòl MacCaluim a' seinn an eadar theangachadh aig an Urr Iain MacLeòid den laoidh A Thigheara Dhia.

Leughaidhean:
Ecsodus 33: 12,13, & 14
Philipianaich 4: 4-7

Thàinig Siùsaidh NicDhonnchaidh (neo Siùsaidh Algie, mar a bh' oirre mus do phòs i) dhan Eilean Sgiathanach sna 90an nuair a bha i 16. Dh'ionnsaich i Gàidhlig aig Ard-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson 18 bliadhna, ag obair air prògraman leithid Telefios air Telebhisean Ghrampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh, thàinig aillse broillich oirre ach fhuair i seachad air.

Tha Siùsaidh air a bhith na Crìosdaidh còrr air 40 bliadhna, agus tha i ag ràdh gu bheil Dia air rudan mìorbhaileach a dhèanamh na beatha. Bha i fhèin agus an duine aice a' fuireach ann an Lunnainn fhad 's a bha Siùsaidh a' trèanadh airson na ministrealachd san Eaglais Bhaisteach aig Colaiste Spurgeon.

Fhuair i cead-searmonachaidh ann an 2017 agus bha i fhèin is Mìcheal stèidhichte ann am Poole ann an Dorset far an robh i na ministear air Eaglais Bhaisteach Longfleet. Tha i fhèin san duine aice, cuide ri màthair Siùsaidh, a-nise air gluasad a dh'Alba.