افغان طالبانو خپله کابینه او سرپرسته اداره اعلان کړه؛ ملا محمد حسن اخوند به یې مشر وي

افغان طالبانو نن سه شنبه خپله نوې سرپرسته کابینه او ورسره افغانستان کې خپل نوی سرپرست حکومت اعلان کړ. ملا محمد حسن اخوند به د دې کابینې مشر یا لومړی وزیر وي.

همدا راز د طالبانو سیاسي مرستیال ملا عبدالغني برادر او مولوي عبدالسلام حنفي به د ملا حسن اخوند مرستیال وي.

سراج الدین حقاني د کورنیو چارو، ملا یعقوب د دفاع او همدا راز امیر خان متقي د بهرنیو چارو سرپرست وزیران اعلان شوي دي.

د یادونې ده چې د ملا محمد حسن اخوند نوم د ملګرو ملتونو په تور لیست کې شامل دی. د طالبانو مخکیني حکومت پر مهال ملا حسن اخوند له ۱۹۹۶ تر ۲۰۰۱ کال پورې د بهرنیو چارو وزارت د مرستیال دنده درلوده.

د نوي خپاره شوي لېست له مخې د نوې سرپرستې کابینې ډېری وزیران تر ډېره د طالبانو مشران او ملایان دي.

د طالبانو د کلتوري کمېسیون مرستیال احمدالله وثیق بي بي سي سره خبرو کې تائید کړه چې نوی حکومت به 'اسلامي امارت ' وي او امیر المومنین به پر خپل ځای وي.

د طالبانو د ویاند ذبیح الله مجاهد کابل کې خبریالانو ته د نوې کابینې د سرپرستانو نومونه ولوستل.

ښاغلي مجاهد وویل، دا مهال هېواد کې بحراني حالت دی او له همدې کبله پرېکړه وشوه چې د اوس لپاره سرپرسته اداره اعلان شي.

د کابینې نومونه په لاندې ډول اعلان شوي: