Cerbyd ar dân mewn garej yn cau'r A487 ym Mhenrhyndeudraeth

Mae diffoddwyr wedi bod yn delio â thân mewn garej ym Mhenrhyndeudraeth, Gwynedd ddydd Iau.

Cafodd Gwasanaeth Tân ac Achub Gogledd Cymru eu galw i'r garej am 12:49 ble roedd cerbyd ar dân.

Cafodd tri chriw eu hanfon i'r digwyddiad a bu rhaid i ran o'r A487 gael ei chau i'r ddau gyfeiriad am gyfnod.

Bellach mae'r tân dan reolaeth a'r ffordd wedi ailagor.

Dywedodd tyst mai cartref modur oedd ar dân, a'i fod wedi achosi rhywfaint o ddifrod i adeilad y garej hefyd.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.