KALLATTIIN, Itoophiyaatti Filannoon Biyyaalessaa Marsaa 7ffaa gaggeeffamaa jira

Itoophiyaatti Filannoon Biyyaalessaa Marsaa 7ffaa ganama bariin gaggeeffamuu eegaleera.

Guduunfaa

Haguuggii Tamsaasa Kallattii

  1. Pirezidaantoonni naannolee Itoophiyaa sagalee kennaa jiru

    Suuraan wayita pireezidaantiin Naannoo Sidaamaa Dastaa Leeddamoon Sagalee kennan

    Madda suuraa, FMC

    Ibsa waa'ee suuraa, Suuraan wayita pireezidaantiin Naannoo Sidaamaa Dastaa Leeddamoon Sagalee kennan

    Filannoon Biyyaalessaa Itoophiyaa marsaa 7ffaan guyyaa har'aa gaggeeffamuu eegale irratti pirezdaantootnoi naannolee hirmaachuun sagalee isaanii kennuu miidiyaaleen biyya keessaa gabaasan.

    Qondaaltota olaanoo hanga yoona sagalee kennan keessaa Pireezidaantiin Mootummaa Naannoo Uummattoota Kibba Lixa Itoophiyaa Dooktar Nagash Wageeshoo , Pireezidaantiin Naannoo Sidaamaa Obbo Dastaa Leeddamoo fi Pireezidaantiin Naannoo Hararii Obbo Oordiin Badrii kanneen buufata filannoo naannoo isaaniitti sagalee isaanii kan kennan ta’uu ibsameera.

    Qondaaltoti olaanoon naannolee kunneen lammiileen adeemsa filannoo keessatti dammaqinaan akka hirmaatan waamicha dhiyeessaniiru

  2. Waa'ee Filannoo Biyyaalessaa Itoophiyaa qabxiilee ijoo shan

    Filannoo Biyyaalessaa Itoophiyaa marsaa 7ffaa

    Filannoon Biyyaalessaa Itoophiyaa marsaa 7ffaan guyyaa har'aa gaggeeffamuu eegaleera.

    Filannoo qophiin guddaa taasifamaafiif ture karaa nagaan akka xumuramu qaamoleen nageenyaa qophaa'uu ibsaniiru.

    Filannoon har'a taasifamu miseensota mana maree ummataafi miseensota mana maree naannootiifidha.

    Miseensonni filaman immoo adeemsa keessa mootummaa haaraa filatu jechuudha.

    Filannoo kanarratti paartii biyya bulchu dabalatee paartileen 40 ol ni dorgomu jedheera Boordiin Filannoo Biyyaalessaa Itoophiyaa.

    Mee filannoo kana ilaalchisee wantoota ijoo shan ka'aa jiran haa ilaallu.

  3. Adeemsi filannoo haala gaariin deemaa jira - Uhuruu Keniyaataa

    Dursaa garee Gamtaa Afrikaa filannoo Itoophiyaa taajjabu, Uhuruu Keniyaataa

    Madda suuraa, FBC

    Adeemsi filannoo hanga ammaa haala gaariin gaggeeffamaa jiraachuu dursaan garee Gamtaa Afrikaa taajjabduu filannoo Uhuruu Keeniyaataa hime.

    FBCn akka gabaasetti, Uhuruu Keniyaataa adeemsa Filannoo Waliigalaa irra deemanii ilaaluu eeruun haala gaariin deemaa jira jedheera pirezidantii duraanii Keeniyaa Uhuruu Keeniyaataa.

    Filannoon lammileen mirga dimokiraasii isaanii fayyadamuun gaggeessaa isaanii kan ittiin filatan ta'uu ibsuun, akka ardiitti kun akka milkaa'uuf Gamtaan Afrikaa cimsee hojjeta jedheera.

    Itoophiyaan teessoo ardii Afrikaa ta'uu isheerraa kan ka'een asitti filannoo milkaa'aa taasisuun guutummaa Afrikaatiif fakkeenyadhas jedheera.

    Itoophiyaanonnis mirga isaanii fayyadamuun akka filataniif hubachiisuun, filannichi haala gaariin akka xumuramu abdii qabaachuu ibseera.

  4. Ummanni bariin sagalee kennuuf buufataaleen filannootti argamuun sagalee kennaa jira

    Jimmatti namoota sagalee kennuuf bariin hiriira qabatanii jiran

    Madda suuraa, FBC

    Kutaalee Itoophiyaa gara garaa keessatti ummanni Filannoo Biyyaalessaa Itoophiyaa Marsaa 7ffaa irratti sagalee kennuuf ganamaan hiriira qabatee dabaree eeggachaature amma sagalee kennaa jiraachuu miidiyaaleen biyya keessaa gabaasaa jiru.

    Suuraawwan FBC irraa argame akka mul'isutti magaalota gurguddoo akka Finfinnee, Jimmaa, Maayaa, Hawaasaa, Aarbaa Mincii, Shaashamannee, Moojoo, akkasumas maagaalaawwan xixiqqaafi aanaalee keessatti namoonni buufataaleen filannootti dabaree eeggachaa yeroo jiran mul'isa.

    Kana malees, raawwachiiftonni filannoo wayita meeshaaleen filannoo wal harkaa fuudhinsa raawwatan ni mul'atu.

    Suuraan akkasitti qixeessineerra. Daawwadhaa!

    Finfinneetti namoota filachuuf dabaree qabatan

    Madda suuraa, FBC

    Finfinneetti namoota filachuuf dabaree qabatan

    Madda suuraa, FBC

    Finfinneetti namoota filachuuf dabaree qabatan

    Madda suuraa, FBC

    Naannoo Amaaraa, Kombolchaatti namoota sagalee kennuuf eeggachaa jiran

    Madda suuraa, FBC

    Oromiyaa, magaalaa Maayaatti namoota sagalee kennuuf bariin hiriira qabatn

    Madda suuraa, FBC

    Hawaasaatti raawwachiiftonni filannoo yeroo meeshaa wal harkaa fuudhaa jiran

    Madda suuraa, FBC

    Hawaasaatti raawwachiiftonni filannoo yeroo meeshaa wal harkaa fuudhaa jiran

    Madda suuraa, FBC

    Oromiyaa,Roobeetti ummanni Filannoo Biyyaalessaa Itoophiyaa marsaa 7ffaa irratti sagalee kennuuf bariin hiriira qabatee

    Madda suuraa, FBC

    Dursaan garee taajjabdootaa Gamtaa Afrikaa, Uhuruu Keeniyaataa bariin qophii sagalee kennuuf taasifamaa jiru yeroo naanna'ee daawwachaa jirutti

    Madda suuraa, FBC

  5. ASHAMAA!

    Akkam jirtu hordoftoota keenyaa?

    Toora tamsaasa kallattiin oduu isin biraan ittiin geenyu kan har'aa jalqabneerra.

    Xiyyeeffannoon keenya waa'ee Filannoo Biyyaalessaa Itoophiyaa Marsaa 7ffaa irrattidha. Waa'ee Filannoo Biyyaalessaa Itoophiyaa qabxiilee ijoo shan.

    Itoophiyaan filannoo gaggeessaa jirti, garuu kan filatu hunda miti.

    Wayita hidhattoonni ''filannoo sobaa'' jechuun gufachiisuuf dhaadatanitti poolisiin qophiin hundi xumuramuu ibsuu.

    Kanneen jedhaniifi kan biroo hedduu isin biraan geenya.

    Nu hordofaa.

    Dubartii filachuuf daa'ima dugdatti baadhattee dabaree eeggachaa jirtu

    Madda suuraa, FBC